Bebasan kaya wengi tanpa lintang rambu
Peteng ndedhet gegrumutan
Ora weruh kulon wetan
Kaya ketiga ngerak kang luwih
Lumaku adoh lirih anglentrih
Gondhang salit tan panggih warih
Nalikani isih bodho
Plonga-plongo
Menga-mengo
Durung duwe kawruh
Durung ngerti unggah-ungguh
Durung antuk sesuluh
Nanging, cahya sapelik metu
Nadyan cilik ning kaya daru
Adhem kaya tetese banyu
Rasa manis kang pindha madu
Wuse ketemu kang aran guru
Pawongan kang tlaten pareng sesorah
Tansah sabar anggula wentah
Marang murid kang isih bocah
Kanthi tulus ing penggalih
Paring ugelmu tan pilih kasih
Tanpa pamrih
Ora ngajab den sembulih
Kabeh mau kang dipurih
Anak-murid mbesuk dadi wong linuwih
Dadi manungsa panilih (EN)
Biografi Penulis
Karimatunnisak
Karimatunnisak, seorang mahasiswi aktif program studi Tadris Bahasa Inggris semester tujuh IAIN Kediri. meski tengah sibuk dengan proposal skripsinya, gadis yang lahir pada bulan Maret ini masih meluangkan waktunya untuk menulis puisi berbahasa Jawa. Apabila ingin lebih dekat dengan penulis dapat menghubungi e-mail pribadinya karimatunnisak303@gmail.com
No comments